Publikimet e Nacionales për Mihalin e Kusarin, Dugolli: Fushatë e egër për të baltosur VV-në e Qeveriën
Enver Dugolli, deputet i VV-së, është pyetur në lidhje me dy raprotime ekskluzive të Nacionales.
Në një intervistë në KTV, Dugolli është pyetur për publikimin e përgjimeve të bisedës së Mimoza Kusari Lilës, shefe e grupit parlamentar të VV-së, dhe Milan Radoiçiqit, i akuzuar nga Kosova për sulmin e armatosur në Banjskë.
Po ashtu, Dugolli u pyet edhe për publikimin e bisedave në mes Dejona Mihalit, koordinatore e Komiteteve në VV, dhe Nagip Krasniqit, ish-kryeshef i KEK-ut, i cili dha dorëheqje për shkak të aktakuzës për korrupsion.
Këto dy raportime, Dugolli i ka quajtur si “fushatë” për të “baltosur VV-në dhe Qeverinë”.
“Fushatë e egër për të baltosur, për të dëmtuar Lëvizjen Vetëvendosjen dhe Qeverinë”, ka thënë Dugolli në “60 Minuta” të KTV-së.
