Prokurorja Hajdari: UNMIK-u dhe EULEX-i punuan shumë pak për t’i zbardhur krimet e luftës

Në ditën e dytë te Forumit për Gratë, Paqen dhe Sigurinë, u mbajt një panel diskutimi lidhur me krimet e luftës më ë cilat përballën gratë.

Në këtë panel morën pjesë ministrja e Drejtësisë Albulena Haxhiu, deputetja ukrainase, Yevheniia Kravchu, ambasadorja për të drejtat e njeriut nga Franca, Delphine Borione, Prokurorja në Prokurorinë Speciale të Kosovë, Drita Hajdari si dhe Drejtoresha e QKMRT-së, Feride Rushiti.

Përderisa të gjitha penalistët diskutuan lidhur me sfidat në të cilat kalojnë gratë gjatë periudhës së luftës si dhe pas mbarimit të sajë, Prokurorja Hajadari, ka fajësuar UNMIK-un dhe EULEX-in, të cilët kanë bërë shumë pak në këtë drejtim në kohën kur e kanë pasur për detyrë të trajtojnë krimet e ndodhura gjatë luftës

“Krimet e luftës në mesin e të cilave dhuna seksualë gjatë luftës është barrë që e ngarkon shoqërinë tonë. Është çështje që pas luftës është folur me një dozë turpi e dëshpërimi se çfarë ka ndodh në Kosovë, mirëpo falë shoqërisë civile dhe institucioneve te cilat filluan t’i trajtojnë këto raste dhuna seksuale gjatë luftës doli nga errësira. Mirëpo ende nuk ekzistojnë statistikat reale për numrin e personave të dhunuar në Kosovë dhe akoma para prokurorisë speciale është sfidë e madhe për zbulimin dhe regjistrimin, hetimin e këtyre krimeve. Ajo që e ngadalësoi punën tonë ishte fakti se pas luftës neve prokuroreve nuk na është lejuar t’i ndjekim këto vepra penale, pasi kjo punë i është besuar fillimisht UNMIK-ut pastaj EULEX-it, të cilët kanë bërë shumë pak fatkeqësisht. Dhe për kundër mundësive që kishin misionet për sundimin e ligjit në këtë fushë ka mbetur një numër i madh i lëndëve, pas misionit të EULEX-it që janë 900 lënde dhe 200 dosje për të zhdukur’’, ka thënë Hajdari.

Hajdari tha se identifikimi i fajtorëve ka qenë po ashtu i vështirë pasi që kryerësit e krimit kanë qenë të panjohur për viktimat. Ndërsa s ai përket kryerësve vendorë kanë arritur që të i identifikojnë disa.

Ajo, po ashtu ka thënë se nuk duhet të heshtët për dhunën seksuale, duhet që të raportohet s amë shumë.

“Pres që në të ardhmen të kemi më shumë raportime për dhunë seksuale sepse këto janë krime që nuk guxojnë të heshtën, duhet të raportohen pa ndonjë shpresë se për secilin krim qe do të zbulohet edhe kryerësi’’, tha Hajdari.