Prokuroria kërkon paraburgim për të arrestuarin në Zveçan

Prokuroria Speciale ka paraqitur kërkesë për caktimin e masës së paraburgimit në Gjykatën Themelore në Prishtinë për personin i cili wshtw arrestuar dje në Zveçan.

Policia e Kosovës ka publikuar edhe disa pamje gjatë operacionit dhe arrestimit të personit të dyshuar.

“Pas operacionit policor të realizuar të dielen në Zveçan, ku u arrestua i dyshuari (I.M.), nga hetuesit e Drejtorisë për Hetimin e Krimit të Organizuar dhe Krimeve të Rënda, Prokuroria Speciale ka paraqitur kërkesë për caktimin e masës së paraburgimit në Gjykatën Themelore në Prishtinë”, thuhet në njoftimin e Policisë së Kosovës.

I.M. është arrestuar nën dyshimet për kryerjen e veprave penale: Sulm ndaj personit zyrtar; Pjesëmarrja në turmë që kryen vepër penale dhe huliganizëm; bashkim për veprimtari kundërkushtetuese; rrezikim të personave nën mbrojtje ndërkombëtare.