Presidenti i Shqipërisë sot e viziton Kosovën, agjenda e takimeve
Presidenti i Shqipërisë, Bajram Begaj do ta vizitojë sot Kosovën. Në këtë vizitë, Begaj do të takojë krerët e shtetit të Kosovës.
Ai do të takohet me presidenten Vjosa Osmani nga ora 10:00. Pas përfundimit do të ketë konferencë për media.
Në ora 12:15, presidenti i Shqipërisë do të takohet me kryeparlamentarin, Glauk Konjufca ndërsa në ora 13:00 me kryeministrin Albin Kurtin.
Begaj do të bëjë homazhe te varri i presidentit të ndjerë Ibrahim Rugova, në ora 15:45 dhe në Prekaz nga ora 16:35.
Kjo është vizita e parë e tij zyrtare si president i Shqipërisë.
