Presidenti Bajram Begaj nxjerr dekretin e parë
Firmën e parë si President i Shqipërisë, Bajram Begaj e hodhi sot, duke dekretuar ndryshimet në qeveri.
Përmes një njoftimit për media, Presidenca ka treguar se pas administrimit të propozimeve të Kryeministrit dhe shqyrtimit të tyre, Begaj ka dekretuar shkarkimin e Arben Ahmetajt nga detyra si zëvendëskryeministër dhe ministër i Shtetit për Rindërtimin dhe Programin e Reformave.
Presidenti ka pranuar propozimin duke dekretuar Majlinda Dhukën si ministër Shteti dhe Kryenegociatore si dhe emërimin e Belinda Ballukut në detyrën e zëvendëskryeministres, përpos detyrës që mban të ministres së Infrastrukturës dhe Energjisë.
