“Pranverë e qetë, me rektorin e ardhshëm” – Çka po paralajmërohet në Universitetin e Mitrovicës?
Nëpër disa Universitete të Kosovës ka pasur zgjedhje. Nacionale ka raportuar se në Universitetin e Prizrenit është zgjedhur rektor vëllai i asamblistes së Vetëvendosjes.
Dyshimet janë shtuar se një tjetër person i afërt me pushtetin mund të zgjedhet rektor në Universitetin e Mitrovicës.
Edhe pse procesi zgjedhor nuk ka përfunduar, dikush ditë më parë postoi një fotografi duke e bërë zgjedhjen e rektorit si punë të kryer.
Në një postim të publikuar nga Alban Fazliu udhëheqës i qendrës së karrierës, shihen disa profesorë e anëtarë të Këshillit Drejtues në Universitetin e Mitrovicës.
Në fotografi shihen profesori Halil Bajrami e Valdet Gjinovci, të dy anëtarë të Këshillit Drejtues. Gjithashtu edhe Ylber Januzaj ish-anëtar i Këshillit Drejtues.
“Pranverë e qetë në Universitetin e Mitrovicës. Me rektorin e ardhshëm”, ka shkruar Fazliu. Postim i cili u fshi pas pak minutash.
Jozyrtarisht është raportuar se ka dyshime që në pozitën e rektorit do të zgjedhet Ylber Januzaj.
Postimi:
