Policia kërkon ndihmën e qytetarëve për arrestimin e një personi
Policia e Kosovës ka kërkuar ndihmën e qytetarëve në ofrimin e informatave në identifikimin dhe arrestimin e një personi.
Përmes një njoftimi, policia ka bërë me dije se persona në fjalë kërkohet për një rast të vjedhjes që ka ndodhë në muajin janar të këtij viti.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për një rast të vjedhjes që ka ndodhë në muajin janar, 2024”, është thënë në njoftimin e policisë.
Policia ka postuar edhe fotografi të personit të kërkuar.
“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192”, është thënë në njoftim.
