Policia jep detaje për aksidentin në autostradën “Ibrahim Rugova”, katër persona të lënduar
Gazeta Nacionale ka raportuar pak më parë në lidhje me një aksident në autostradën “Ibrahim Rugova”, në dalje të Prizrenit në veri.
Policia e Kosovës ka njoftuar se në aksident është përfshirë një veturë, ku dyshohet se automjeti ka humbur kontrollin dhe ka goditur mbrojtësit e rrugës duke u rrokullisur.
Nder të tjera, sipas informacioneve nga PK, si pasojë janë lënduar katër persona.
“Sot më datë 8 Gusht, rreth orës 13:00, është pranuar një informatë se në autostradë- në daljen Veri në Prizren ka ndodhur një vet-aksident trafiku me lëndime. Sipas njësive në vendngjarje dyshohet se aksidenti ka ndodhur pasi një automjet ka humbur kontrollin dhe ka goditur mbrojtësit e rrugës duke u rrokullisur. Si pasojë e aksidentit 4 persona kanë pësuar lëndime trupore, të cilët janë transportuar në emergjencën e Prizrenit. Lidhur me rastin njësia e hetimeve të autostradës është duke u marrë me rastin, sipas procedurave të parapara për trajtim të mëtejmë të rastit.” – thuhet në njoftim.
