Policia arreston tre persona, u gjenden 163 qese të vogla me substancë narkotike
Policia e Kosovës ka arrestuar tre persona në Vushtrri, të cilëve u janë konfiskuar 84.1 gram substancë narkotike e ndarë në 163 qese të vogla.
Policia përmes një komunikate për media, bën të ditur se të dyshuarit janë të moshave 31, 18 dhe 25 vjeçar.
“Në cilësi të dyshuarve janë intervistuar M.A., 31 vjeçar, A.M.,18 vjeçar dhe A.M., 25 vjeçar, të tre shtetas të republikës së Kosovës. Pas intervistimit, me urdhër të prokurorit të rastit, tre të dyshuarit janë liruar në procedurë të rregullt. Lidhur me rastin hetimet e mëtejme po i zhvillon njësia përkatëse e antidrogave”, thuhet në njoftim.
Njoftimi i plotë i Policisë së Kosovës:
Arrestohen tre persona të dyshuar për blerje, posedim, shpërndarje të paautorizuar të substancave narkotike
Vushtrri, 30 korrik 2022
Në orët e mesditës së sotme, policia në Vushtrri ka arrestuar tre persona të dyshuar për veprën penale “Blerje, posedim, shpërndarje të paautorizuar të narkotikëve, substancave psikotrope dhe analoge ”.
Arrestimi i tre personave të dyshuar është realizuar në rrugën “Bajram Muli” në Vushtrri, në kohën kur zyrtarët policorë kanë ngritur dyshimet e arsyeshme për lëvizjet e të dyshuarve të cilët janë përpjekur të iu shmangen zyrtarve policor duke hedhur sasinë e subtancës narkotike në një lokacion tjetër. Në cilësi të provës materiale nga tre të dyshuarit është gjetur dhe konfiskuar sasi e substancës narkotike në peshë prej 84.1 gram, të ndarë në163 qese të vogla.
Në cilësi të dyshuarve janë intervistuar M.A., 31 vjeçar, A.M.,18 vjeçar dhe A.M., 25 vjeçar, të tre shtetas të republikës së Kosovës. Pas intervistimit, me urdhër të prokurorit të rastit, tre të dyshuarit janë liruar në procedurë të rregullt. Lidhur me rastin hetimet e mëtejme po i zhvillon njësia përkatëse e antidrogave.
