Përfundon aksioni për konfiskimin e pasurisë së Radojiçiqit

Policia e Kosovës dhe Agjencia për Sekuestrim të Pasurisë, kanë përfunduar aksionin për konfiskimin e banesës dhe restorantit të Milan Radojçiq.

Kështu ka bërë të ditur për Gazetën Nacionale, zëvendësdrejtori i Policisë për rajonin e veriut, Veton Elshani.

“Po, aksioni ka përfunduar pas orës 17:00.” - ka thënë shkurtimisht Elshani.

Nga ana tjetër, ministrja e Drejtësisë, Albulena Haxhiu, ka publikuar listën e aseteve të Radojçiqit që janë konfiskuar dhe sekuestruar deri tani.