“Për hir të Zotit”: Kjo është kërkesa e Ramës ndaj Trumpit për Thaçin dhe Gjykatën Speciale
Gjatë pjesëmarrjes në Bordin e Paqes, kryeministri i Shqipërisë, Edi Rama ka kërkuar nga presidenti amerikan, Donald Trump që të bëhet diçka për Gjykatën Speciale, atje ku po gjykohen ish-krerët e UÇK-së.
Më poshtë, gjeni deklaratën e Ramës.
“Lidershipi i presidentit Trump gjatë mandatit të tij të parë ka sjellë Kosovën dhe Serbisë më afër se kurrë një marrëveshjeje të paqes.
Presidenti i Kosovës atëherë u ndalua brutalisht të udhëtonte drejt Shtëpisë së Bardhë për ta nënshkruar atë marrëveshje në prani të Presidentit Trump. Dhe kjo ishte vepër e po atij prokurori “sicario” që kishte shkuar edhe pas vetë Presidentit Trump dhe për këtë u bë i famshëm në mbarë botën”.
Sot, Presidenti i Kosovës ka kaluar tashmë gjashtë vite në paraburgim para një gjykate speciale në Hagë, e sponsorizuar nga disa shtete demokratike, disa prej tyre të pranishme këtu, të cilat duhet të turpërohen për këtë lloj drejtësie ndërkombëtare. Vetëm javën e kaluar, zoti President, një tjetër prokuror i financuar nga ky vend i madh dhe taksapaguesit e tij kërkoi 45 vite burgim për të, një kërkesë që dërgoi valë tronditëse poshtërimi nëpër një komb të tërë që kërkon paqe.
Në këtë moment, vetëm pak muaj e ndajnë një njeri që u ngrit nga rezistenca kundër spastrimit etnik për t’u bërë paqebërës nga një përfundim potencialisht shkatërrues në një gjykatë që deri më tani ka dështuar në çdo hap për të respektuar standardet e drejtësisë demokratike.Për hir të Zotit, zoti President, le të bëjmë diçka para se, siç thoni ju, gjëra shumë të këqija të ndodhin përsëri”.
