Pamje: S’shkrep arma, zëvendëspresidentja e Argjentinës i shpëton atentatit - NACIONALE

Pamje: S’shkrep arma, zëvendëspresidentja e Argjentinës i shpëton atentatit

1 muaj më parë

nga NACIONALE

Nënpresidentja e Argjentinës i ka shpëtuar një atentati për vrasje, pasi arma e personit që tentoi ta vriste atë, u bllokua në momentin kritik.

Cristina Fernandez Kirchner ishte duke i përshëndetur përkrahësit para shtëpisë së saj, kur një burrë iu afrua turmës dhe ia drejtoi asaj një pistoletë drejt kokës nga afërsia.

Presidenti i Argjentinës, Alberto Fernandez, tha se arma ishte e mbushur me pesë fishekë, por nuk shkrepi.

Zonja De Kirchner është duke u ballafaquar me një gjykim për korrupsion dhe ishte duke u kthyer nga gjykata. Ajo i ka mohuar akuzat.

Policia tha se burri i armatosur, të cilin mediet lokale e identifikuan si një brazilian 35-vjeçar, është dërguar në mbajtje. Autoritetet po mundohen që ta gjejnë motivin e sulmit.

Lajme të ngjashme