Pamje: Rrëzohet një helikopter në Greqi, tre të vdekur

Tre persona e humbën jetën nga rrëzimi i një helikopteri në ishullin grek, Sifnos, të hënën, thanë zyrtarët e brigadës së zjarrfikësve.

Sipas tyre, helikopteri u rrëzua pak pas fillimit të fluturimit, duke i lënë të vdekur pilotin dhe dy pasagjerët, raporton agjencia e lajmeve “Reuters”.

Shkaku i rrëzimit të helikopterit nuk dihet ende.

Në rrjetin X janë publikuar pamje të vendit të ngjarjes, ku shihen zjarri dhe tymi i madh.