Pamje: Kurti sërish u shmanget pyetjeve për gazin amerikan

Kryeministri në detyrë, Albin Kurti, ka shmangur edhe një herë përgjigjet ndaj pyetjeve të gazetarëve lidhur me projektin e gazit amerikan.

Kurti u pyet për këtë çështje gjatë pjesëmarrjes së tij në një aktivitet të organizuar nga Ministria e Industrisë, Ndërmarrësisë, Tregtisë dhe Inovacionit, i dedikuar grave në biznes.

Teksa po largohej nga salla, ai u përball me pyetje rreth projektit të gazit amerikan, por u arsyetua se ishte me nxitim dhe duhej të merrte pjesë në një ngjarje tjetër, duke mos dhënë përgjigje konkrete.