OVL-UÇK mban konferencë për media

Organizata e Veteranëve të Luftës së UÇK-së ka paralajmëruar se sot do të mbajë një konferencë për media, e cila do të zhvillohet në orën 11:00, në zyrat e saj në Prishtinë.

Konferenca vjen në një kohë kur OVL-UÇK ka vendosur të mos marrë pjesë në Këshillin Organizativ për shënimin e Epopeja e UÇK-së.

Në mbledhjen e Këshillit Shtetëror për 28-vjetorin e Epopesë, të mbajtur të martën, është hedhur ideja që shoqatat e dala nga lufta të ftohen edhe një herë për pjesëmarrje.