Osmani takohet me deputetë gjermanë: Bashkëpunimi me Gjermaninë mbetet një nga prioritetet kryesore
Presidentja e vendit, Vjosa Osmani, është duke marrë pjesë në Konferencën e Sigurisë në Mynih.
Osmani ka njoftuar se atje ka zhvilluar takim me deputetët Annette Widmann-Mauz dhe Jürgen Hardt nga radhët e CDU-së.
Osmani është shprehur se bashkëpunimi me Gjermaninë mbetet një nga prioritetet kryesore.
“Bashkëpunimi me Gjermaninë mbetet një nga prioritetet kryesore, e CDU si parti ka kontribuar ndër vite në kultivimin e marrëdhënieve tona bilaterale.
Sot, në kuadër të Konferencës së Sigurisë në Mynih, takova deputetët Annette Widmann-Mauz dhe Jürgen Hardt nga radhët e CDU-së.
Diskutuam rëndësinë e koordinimit dhe komunikimit të rregullt për t’u përballur me sfidat e sigurisë, avancimin e paqes dhe stabilitetit në Ballkanin Perëndimor, si dhe intensifikimin e bashkëpunimit ekonomik.” – ka shkruar ajo.
