Osmani sot e nderon presidentin e FIFA-s, Infantinon

Presidentja Vjosa Osmani do të dekorojë sot presidentin e Federatës Ndërkombëtare të Futbollit (FIFA), Gianni Infantino.

Ceremonia zyrtare do të mbahet në ambientet e Presidencës dhe do të nisë në orën 13:00.

I pari i Federatës së Futbollit të Kosovës (FFK), Agim Ademi, ka shprehur mirënjohjen e tij ndaj Osmanit për këtë veprim, duke e cilësuar si një akt që dëshmon respektin e institucioneve të Kosovës për rolin dhe kontributin e Infantinos në zhvillimin e futbollit kosovar.