Osmani ngushëllon për vdekjen e Papa Françeskut: Trashëgimia e tij do të jetojë
Presidentja e Kosovës, Vjosa Osmani, ka ngushëlluar për vdekjen e Papa Françeskut.
Ajo ka thënë se trashëgimia e tij do të jetojë.
“Populli i Republikës së Kosovës i bashkohet miliona njerëzve në mbarë botën në vajtimin për ndarjen nga jeta të Shenjtërisë së Tij, Papa Françesku – një zë i dhembshurisë, përulësisë dhe drejtësisë në kohën tonë. Trashëgimia e tij do të jetojë në jetët e panumërta që ai i preku. Qëndrojmë pranë të gjithë atyre që mbajnë gjallë mesazhin e tij të shpresës, paqes dhe dinjitetit njerëzor”, ka shkruar Osmani.
