Osmani: Masakra e Rogovës së Hasit, ndër krimet më makabre - kërkesa për drejtësi është e domosdoshme
Presidentja e Kosovës, Vjosa Osmani ka përkujtuar 25 vjetorin e Masakrës në Rogovë të Hasit.
Në njoftimin e Zyrës së Presidentes, Osmani ka thënë se Më 27, 28 dhe 29 janar 1999, ndodhi një nga krimet më makabre në historinë e Kosovës.
“Në përvjetorin e kësaj masakre, kërkesa për drejtësi është e domosdoshme në mënyrë që krime të tilla të mos përsëriten kurrë më!” – thuhet ndër të tjera.
Njoftimi i plotë:
Presidentja Vjosa Osmani përkujton 25 vjetorin e Masakrës në Rogovë të Hasit
Presidentja e Republikës së Kosovës, Vjosa Osmani ka përkujtuar 25 vjetorin e Masakrës në Rogovë të Hasit.
Përkujtimi i plotë i Presidentes Osmani:
Më 27, 28 dhe 29 janar 1999, ndodhi një nga krimet më makabre në historinë e Kosovës – Masakra e Rogovës së Hasit. Forcat e regjimit gjenocidal të Millosheviqit, sulmuan brutalisht fshatrat Rogovë të Hasit, Goden e Bishtazhin të Gjakovës dhe masakruan 9 civilë, teksa në altarin e lirisë ranë edhe 21 luftëtarë të Ushtrisë Çlirimtare të Kosovës.
Nuk do t'i harrojmë asnjëherë jetët e pafajshme të marra në mënyrë brutale, sikurse edhe ata që ranë për lirinë tonë!
Në përvjetorin e kësaj masakre, kërkesa për drejtësi është e domosdoshme në mënyrë që krime të tilla të mos përsëriten kurrë më!
Qoftë i përhershëm kujtimi për dëshmorët dhe martirët e Rogovës së Hasit!
