Osmani kujton masakrën e Izbicës: Dëshmi për rrugën e vështirë që kaluam

Presidentja e Kosovës, Vjosa Osmani kujtoi ka përkujtuar 25-vjetorin e masakrës së Izbicës së Skenderajt.

Ajo kujtoi të rënët në këtë masakër.

“Ndaj sot kujtojmë 25 vjetorin e masakrës së Izbicës, kur forcat gjenocidale të Serbisë masakruan 147 civilë, në mesin e të cilëve edhe vajzën 6-muajshe, Dafina Qelaj. Ajo dhe të tjerët u vranë në shtëpitë e tyre vetëm pse ishin shqiptarë”.

“Mizoria në Izbicë, mbetet e skalitur në kujtesën tonë, duke na sjell në vëmendje çmimin e lirisë”, tha Osmani.

“Në tentim për t`i fshehur gjurmët e krimit, viktimat civile regjimi gjenocidal i Serbisë i varrosi në varrezë masive në Petrovo Sello në Beograd, në Novolan dhe në Bistricë”.

Osmani u shpreh se kujtimin për Izbicën dhe të gjitha masakrat gjithandej Kosovës do ta mbajnë gjallë gjithnjë si një dëshmi për rrugën e vështirë që kaloi populli.

“Qoftë i paharrueshëm kujtimi për 147 të vrarët në Izbicë!”.