Korrigjim: Një qytetar pretendoi se Vjosa Osmani e mori si administrator në Facebook, gënjeu
Nijazi Halili, ka pretenduar se është punësuar nga presidentja Vjosa Osmani për t’ia administruar llogarinë në rrjetin social Facebook.
Halili përmes një shkrimi në Facebook, e ka falenderuar publikisht presidenten Osmani.
“Një falenderim nga zemra për të parën e vendit, Presidentën e Republikës së Kosovës, Dr.Vjosa Osmani, që më dha besimin të administroj faqen e saj, në rrjetin social facebook! Me konsideratë”, ka shkruar ai.
Halili, ka marrë shumë urime në postimin e tij, për këtë detyrë që do ta kryejë në presidencën e Kosovës.
Më vonë, z.Halili ka postuar një fotografi tjetër, ku tregon se mban këtë pozitë nga maji i vitit 2022.
Vlen të theksohet se Osmani, njëjtë edhe kryeministri Albin Kurti, janë goxha aktivë në rrjete sociale.
Dy liderët, kanë një audiencë mjaftë të madhe, sidomos në Facebook.
*KORRIGJIM: Nga presidenca i kanë thënë Nacionales se qytetari në fjalë ka gënjyer dhe se presidentja Osmani nuk e ka punësuar si administrator të faqes në Facebook.
