Objeti i Qeverisë ndriçohet me emrat e policëve të rënë në detyrë
Xhelal Sveçla, ministër i Punëve të Brendshme, ka njoftuar se dje është ndriçuar objekti i Qeverisë së Kosovës me emrat e policëve të rënë në krye të detyrës.
Sveçla ka vlerësuar se kjo u bë në nderim dhe kujtim të sakrificës së tyre.
“Në kujtim dhe nderim të sakrificës së 23 pjesëtarëve të Policisë së Kosovës të rënë në kryerje të detyrës, objekti i Qeverisë së Kosovës mbrëmë është ndriçuar me emrat e tyre.
Republika e Kosovës është gjithmonë krenare me ju” – ka shkruar ai.
