Një ngjarje e pazakontë ndodhi me fluturimin nga Cyrihu në Prishtinë
Një ngjarje e pazakontë raportohet se ka ndodhur në njërin nga udhëtimet me aeroplan nga Cyrihu për në Prishtinë. Sipas "Indeksonline", avioni u bë gati për nisje në orën 5:45 të mëngjesit dhe të gjithë pasagjerët u informuan për sigurinë e tyre.
Por pas ngritjes së areoplanit, duket se diçka nuk shkoi mirë.
“Një pasagjer hapi derën e urgjencës sipër krahut pa u pyetur dhe kështu shkaktoi automatikisht rrëshqitjen e emergjencës, gjë që shkaktoi konfuzion. Megjithatë, nuk ishte tym, siç supozohet nga pasagjerët, por avull nga lëngu i ngrirjes së akullit. Mjegullnaja u përhap përmes sistemit të ventilimit. Se si hyri lëngu i ngrirjes në sistemin e ventilimit pritet të ketë detaje”- ka thënë zëdhënësi i kompanisë "Chair Airline".
“Dëshirojmë të theksojmë se në asnjë moment nuk ka pasur rrezik as për 132 pasagjerët, as për ekuipazhin dhe as për avionin. Pasagjerët u informuan në përputhje me rrethanat, u pajisën me kupona dhe iu rezervuan fluturime të tjera ”- tha linja ajrore.
Paniku ka qenë aq i madh në aeroplan, sa që njëri nga pasagjerët e ka thyer derën e daljes emergjente. Të gjithë thuhet se mundoheshin që ta provonin daljen emergjente duke i përdorur edhe valixhet e tyre.
