"Ngrica dhe mjegull": Parashikimi i motit për pesë ditët e ardhshme
Instituti Hidrometeorologjik i Kosovës ka bërë të ditur parashikimin e motit për periudhën nga data 30 dhjetor 2024 deri më 3 janar 2025.
Sipas IHK-së, gjatë këtyre ditëve, pritet mot kryesisht me diell , por me vranësira të lehta, sidomos në zonat malore.
Në orët e mëngjesit, temperaturat e ulëta mund të krijojnë ngrica dhe mjegull, duke ndikuar në kushtet e qarkullimit rrugor.
Detaje të motit për ditët e ardhshme:
30 Dhjetor (E hënë): Moti do të jetë kryesisht me diell dhe vranësira të pakta. Temperaturat minimale do të jenë ndërmjet -7°C dhe -3°C, ndërsa ato maksimale do të arrijnë nga 3°C deri në 7°C. Erë e lehtë nga verilindja.
31 Dhjetor (E martë): Moti do të jetë i ngjashëm, me diell dhe vranësira të pakta. Temperaturat do të jenë nga -6°C deri -3°C për minimalen dhe nga 2°C deri 6°C për maksimalen.
1 Janar (E mërkurë): Pritet mot kryesisht me diell, por me ngrica dhe mjegull në mëngjes. Temperaturat do të jenë nga -7°C deri -4°C për minimalen dhe 4°C deri 7°C për maksimalen.
2 Janar (E enjte): Moti do të jetë i ngjashëm me ditët e mëparshme, me ngrica dhe mjegull.
3 Janar (E premte): Priten vranësira të dendura dhe mundësi për reshje bore pasdite. Temperaturat do të jenë ndërmjet -5°C dhe -2°C për minimalen dhe 3°C deri 6°C për maksimalen.
Për shkak të ndezjes së fishekzjarreve në natën e 31 dhjetorit, cilësia e ajrit mund të përkeqësohet.
Bazuar në temperatua, po ashtu instituti apelon përdoruesit e rrugëve të jenë të kujdesshëm për shkak të kushteve të ngricave dhe mjegullës, veçanërisht në mëngjes.
