Nga Nisma, e propozojnë Limajn për president: Është personi më adekuat

Fatmir Limaj është emri i ri i propozuar për president.

Vesel Krasniqi nga Nisma Socialdemokrate ka thënë se kryetari i subjektit të tij, Fatmir Limaj është personi më adekuat për pozitën e presidentit të vendit.

“Z.Limaj është një nga figurat më unifikuese të skenës politike në Kosovë, gjithashtu personalitet i njohur në jetën politike dhe historike të Kosovës. Gjatë luftës të viteve 1998–1999 ai ishte ndër komandantët më të shquar në kuadër të Ushtrisë Çlirimtare të Kosovës.”, tha ai ndër të tjera në postim dhe ftoi partitë politike që ta zgjedhin Limajn.