Nga nesër, zgjatet orari i "Trafikut Urban" për këto linja
Nga 20 korriku, “Trafiku Urban” do të zgjasë orarin e qarkullimit të autobusëve për disa linja.
Kjo ndërmarrje sot ka njoftuar se orari do të zgjatet për linjat 1, 1A, 3 dhe 4.
Zgjatja e orarit për këto linja do të bëhet deri në orën 24:00.
“Bazuar në vendimin e Komunës së Prishtinës, NPK “Trafiku Urban” SH.A me datën 19.07.2022 pranon vendimin për zgjatjen e orarit të qarkullimit të autobusëve të TU. Zgjatja e orarit të qarkullimit të autobusëve fillon nga data 20.07.2022 për linjat: 1, 1A, 3 dhe 4 deri në orën 24:00”, thuhet në njoftim.
