Nga nëntoka e Trepçës nxirret një kristal me përmasa të mëdha
Ndërmarrja “Trepça” ka njoftuar se nga nëntoka është nxjerrë një kristal me përmasa të mëdha.
Në një njoftim të publikuar në rrjetin social Facebook, thuhet:
“Nga nëntoka madhështore e Trepçës – një kristal madhështor!
Me krenari të veçantë ndajmë me ju nxjerrjen e këtij kristali të jashtëzakonshëm nga thellësitë e minierës sonë, me përmasa mbresëlënëse: 1.40 metra lartësi dhe 1.20 metra gjerësi.
Një falënderim i veçantë shkon për minatorët e Horizontit XI – Ndërrimi C, të cilët me profesionalizëm, përkushtim dhe guxim të përditshëm bënë të mundur nxjerrjen e këtij thesari natyror nga zemra e nëntokës së Trepçës”.
