Nga 1 gushti fillon regjistrimi i targave ilegale në ato RKS

Nga data 1 gusht 2022 deri më 30 shtator 2022, do të fillojë organizimi i procesit për regjistrimin e targave ilegale në ato RTK-së.

Kjo është bërë e ditur nga Ministria e Punëve të Brendshme përmes një komunikate për media.

Procesi do të zhvillohet në të gjitha Qendrat për Regjistrimin e Automjeteve.

“Brenda këtij afati, qytetarët do të kenë mundësinë që të jenë përfitues të shumë lehtësirave për kthimin e mjeteve të tyre në targa RKS. Kjo është një mundësi shumë e mirë, që do të ndihmojë në vendosjen e ligjshmërisë dhe sundimin e ligjit, gjë që qytetarët e shtetit tonë e dëshirojnë pa dallim. Për çdo informacion shtesë ju lutem të na kontaktoni përmes: zip-mpb@rks-gov.net”, thuhet në njoftim.