Netanyahu falënderon Trumpin për përfshirjen "historike" në konfliktin Iran-Izrael

Kryeministri izraelit, Benjamin Netanyahu, ka falënderuar Presidentin amerikan, Donald Trump, për përfshirjen e Shteteve të Bashkuara në konfliktin mes Iranit dhe Izraelit.

Gjatë një fjalimi drejtuar kombit të martën në mbrëmje, Netanyahu shprehu mirënjohje ndaj Trumpit për “koordinimin dhe bashkimin në këtë fushatë, jo vetëm në mbrojtje, por edhe në sulm”, duke e quajtur këtë një “ngjarje historike”.

“Nuk kemi pasur kurrë një mik më të madh në Shtëpinë e Bardhë,” tha ai për Trumpin.

Netanyahu deklaroi se vetëm pak orë para armëpushimit, Izraeli kreu sulmin më “shkatërrues” që Teherani ka përjetuar në 50 vitet e fundit.

“Ne kemi eliminuar qindra operativë të regjimit dhe anëtarë të Gardës Revolucionare,” tha ai.