Nesër pritet të mbahet seanca për paraburgim për dy të dyshuarit që sulmuan Muhaxherin
Është bërë kërkesa për caktimin e masës së paraburgimit ndaj dy të dyshuarve për sulm ndaj kryetarit të Pejës, Gazmend Muhaxheri.
Kështu ka bërë të ditur për Gazetën Nacionale, zëdhënësi i Prokurorisë Themelore të Pejës, Shkodran Nikçi, i cili ka njoftuar se seanca mbahet nesër nga ora 9:30.
“Nesër duke filluar nga ora 09:30 do të mbahet seanca për caktimin e paraburgimit”.
“Personat në fjalë akuzohen për veprat penale ‘sulm ndaj personit zyrtar’ dhe ‘lëndim i lehtë trupor’”. – ka thënë Nikçi.
Ai tutje ka bërë të ditur se gjatë përleshjes është lënduar edhe shoqëruesi i Muhaxherit.
