“Nëse krerët e UÇK-së...”, Behrami: Fushata e Kurtit dhe VV-së kundër Drenicës dhe UÇK-së ka dy qëllime
Kandidati i PDK-së për deputet, Artan Behrami, ka treguar pse Albin Kurti dhe VV-ka po e sulmojnë Drenicën dhe UÇK-në.
Ai ka treguar se kjo fushatë e pushtetit ka dy qëllime.
Në profilin e tij në Facebook, ai ka vlerësuar së të dy qëllimet lidhen me procesin gjyqësor në Hagë kundër ish-krerëve të UÇK-së.
“Fushata më e re e VV-së dhe Kurtit kundër Drenicës dhe UÇK-së i ka dy qëllime. 1. Nëse krerët e UÇK-së dënohen, të krijohet shtrati i pranimit të verdiktit, që të shuhet çdo reagim qytetar! 2. Nëse krerët e UÇK-së lirohen, të krijohet një ambient toksik që e bën rikthimin e tyre politik të pamundur. Kjo fushatë e ka vetëm një problem. Janë disa shtete në rajon që para Albin Kurtit kanë investuar gjatë në përçarjen e shqiptarëve, në ndarjet krahinore, por kanë dështuar. Edhe ky do të dështojë!”, ka shkruar ai.
