Ndërron jetë Mustafë Dragaj, i mbijetuari i masakrës së Izbicës e dëshmitari i Hagës, kundër Millosheviqit
Me anë të një postimi në Facebook, deputetja Blerta Deliu, ka njoftuar për vdekjen e Mustafë Dragajt, i cili ishte i mbijetuar i maskarës së Izbicës, e dëshmitar në procesin, kundër Sllobodan Millosheviqit.
“Paska ndërruar jetë Musafë Dragaj, i mbijetuari i masakrës së Izbicës. Baca Mustafë dëshmoi kundër Sllobodan Millosheviqit për njëren ndër masakrat më të rënda të Kosovës, atë të Izbicës.
Dëshmia e tij bashkë me ankthin e trishtimin që e kishte përjetuar me rastin e krimit mizor në Izbicë, ishte thirrje për drejtësi.
Me shuarjen e Bacës Mustafë uroj të mos shuhet edhe rrëfimi për të dhe historinë e tij.
Shpirti i tij u prehtë në paqe.” Ka shkruar Deliu.
