NATO: Mbetemi të përkushtuar ndaj angazhimit të vazhdueshëm në Kosovë
Udhëheqësit e NATO-s u mblodhën sot në Samitin e Vilniusit për të diskutuar çështjet urgjente. Në një komunikatë të përbashkët, ata shprehën përkushtimin e tyre të palëkundur për rajonin dhe theksuan rëndësinë e Forcës së Kosovës (KFOR) të udhëhequr nga NATO në ruajtjen e një mjedisi të sigurt dhe të sigurt.
Aleanca ushtarake e dënpoi ashpër rritjen e fundit të dhunës në veri të Kosovës, duke i konsideruar veprime të tilla përshkallëzuese si të papranueshme. Shqetësuese - në veçanti - ishin sulmet e paprovokuara që rezultuan në lëndime serioze të ushtarëve të NATO-s.
Për të adresuar tensionet e përsëritura dhe për të përforcuar stabilitetin, NATO njoftoi për ndërmarrjen e veprimeve duke rritur praninë e trupave brenda KFOR-it.
"Mbetemi të përkushtuar ndaj angazhimit të vazhdueshëm të NATO-s në Kosovë, duke përfshirë edhe Forcën në Kosovë të udhëhequr nga NATO (KFOR). KFOR-i do të vazhdojë të ofrojë një mjedis të sigurt dhe lirinë e lëvizjes në Kosovë në përputhje me Rezolutën 1244 të KS të OKB-së. Veprimet e fundit përshkallëzuese janë të papranueshme dhe ne dënojmë dhunën në veri të Kosovës si dhe sulmet e paprovokuara që shkaktuan lëndime serioze te ushtarët e NATO-s. Kemi rritur praninë e trupave të KFOR-it për t'iu përgjigjur tensioneve të përsëritura. Çdo ndryshim në qëndrimin tonë të forcës në KFOR do të mbetet i bazuar në kushte dhe jo i bazuar në kalendar", - thuhet në komunikatë.
