Nagavci uron Ditën e Mësuesit: Prioriteti ynë si Ministri e Arsimit është të përmirësojmë cilësinë në arsim

Ministrja e Arsimit, Arbërie Nagavci ka uruar 7 Marsin Ditën e Mësuesit, duke falënderuar të gjithë mësimdhënësit.

Ajo në Facebook ka shkruar se roli i mësimdhënësve në procesin edukativo-arsimor është i rëndësishme për zhvillimin e shoqërisë.

“Në këtë ditë të rëndësishme, ju falenderoj për punën dhe përkushtimin tuaj në arsimimin e brezave të rinj. Roli juaj në procesin edukativo-arsimor është shumë i rëndësishëm për zhvillimin e përgjithshëm të shoqërisë.” – ka shkruar ajo.

Më tej, ajo ka folur për prioritete e Ministrisë së Arsimit.

“Prioriteti ynë si Ministri e Arsimit është të përmirësojmë cilësinë në arsim, duke rregulluar infrastrukturën ligjore dhe fizike. Andaj, jemi duke punuar në shumë drejtime për të avancuar pozitën e mësimdhënësit dhe për të ofruar kushte e politika arsimore që garantojnë mësimdhënie dhe mësimnxënie cilësore.”

“Mirënjohje pa fund për të gjithë mësimdhënësit për kontributin e çmuar të tyre në formësimin e të ardhmes sonë.” – përfundon shkrimi i saj.