Musliu: Kurti po u hakmerret qytetarëve që nuk ia dhanë 80%
Ganimete Musliu nga Partia Demokratike e Kosovës ka thënë se kryeministri në detyrë, Albin Kurti po u hakmerret qytetarëve që nuk ia dhanë 80 për qind të votave.
Ajo në Klan Kosova ka thënë se Kurtit nuk i mjafton 50 apo 51 për qind.
“Ky nuk e ka problemin me ne si opozitë, se ne ishim opozitë deri para pak ditësh, por ky e ka problemin me qytetarët”.
“Me këto zgjedhje që po shkojnë, Albin Kurti po u hakmerret qytetarëve të Republikës së Kosovës, të cilët ia dhanë 51 për qind, po u hakmerret që ia dhanë 80 për qind, sepse ky do të jetë i gjithëpushtetshëm. Nuk i mjafton 50 apo 51 për qind”, ka thënë ajo.
