Murseli: Kur ka ndodh krisma nuk e kom kthy kryt mbrapa

Ka vazhduar edhe sot gjykimi ndaj Naim Murselit, Granit Plavës dhe Kushtrim Kokallës për vrasjen e Liridona Ademajt.

Në seancën e së enjtes ka vazhduar mbrojtjen e tij i akuzuari Murseli, ku i është përgjigjur pyetjeve të trupit gjykues.

Në njërën nga përgjigjet e tij, Murseli tha se kur ka ndodhur gjuajtja me armë dhe i ka dëgjuar krismat, nuk e ka kthyer kokën.

“Kur ka ndodh krisma nuk e kom kthy kryt mbrapa me shiku”, ka thënë Murseli.

Ai u ballafaqua me këtë pyetje nga anëtari i trupit gjykues, Alban Ajvazi, duke i thënë se në deklarimet gjatë seancave të kaluara kishte thënë se e kishte kthyer kokën në momentin kur e ka dëgjuar krismën.

Pas këtij ballafaqimi, Murseli ka thënë se nuk e di saktë nëse e ka kthyer kokën apo jo.

“Nuk e di sakt… e kom kthy kryt kur ka ardh vetura” - ka deklaruar ndër të tjera Murseli.