Munishi: S’ishim në nivel, duhet ta pranojmë

I pakënaqur me paraqitjen e ekipit të tij është shfaqur Ismet Munishi në fund të ndeshjes kundër Trepçës ’89, ku ndeshja përfundoi 2:2.

Për Ismet Munishin lojtarët e tij nuk ishin në nivel të detyrës sot ndaj Trepçës ’89, në ndeshjen që u luajt në kuadër të xhiros së 9-të, pasi ishte një ndeshje për t’u rikuperuar.

“Nuk ishim në nivel. Duhet ta pranojmë. Duhet t’i shohim gjatë analizës shkaqet. Nuk jam i kënaqur aspak. Mungesa e Kushtrim Gashit është evidente. Ai është i pazëvendësueshëm për ne. Mba na ka bërë problem”, deklaroi ai.