Mungojnë deputetët, seanca parlamentare shtyhet për nesër

Ka dashuruar mbajtja e seancës së sotme të Kuvendit të Kosovës. Kjo pasi kanë munguar një numër i madh i deputetëve.

Kryetari i Kuvendit, Glauk Konjufca, ka bërë me dije se të pranishëm në fillimin e seancës ishin vetëm 44 deputetë.

Në këtë mënyrë, ka thënë ai, seanca nuk mund të mbahet.

“Gjysmë ore është bërë prej kur është ftuar kjo seancë dhe është dashur të niste. Kështu që, vetëm 44 deputetë me sa po e shoh janë të pranishëm dhe nuk ka kushte për tu mbajtur seanca. Shihem në seancën e nesërme”, ka thënë Konjufca.

Në seancën e sotme ish paraparë që të diskutohen një varg pikash nga seancat e kaluara.