Muharremi: Pse nuk flasin mes vete politikanët shqiptarë?

Analisti Shenoll Muharremi ka komentuar raportet jo të mirave në mes të liderëve politik të shqiptarëve.

Ai ka bërë me dije se periudha e fundit ka treguar se liderët e shqiptarëve nuk kanë qenë shumë të koordinuar në mes vete.

Sipas tij, e njëjta gjë po ndodh në Kosovë, Shqipëri dhe vendet tjera ku ka shqiptar.

“Pyetja 1 milion dollarëshe: Pse nuk flasin mes vete politikanët shqiptarë? Çfarë i pendon aq shumë liderët politik të mos flasin e bashkërendohen mes vete... kjo na interson. Periudha e fundit ka ekspozuar faktin që jo gjithmonë liderët politik janë të bashkërenduar si e kërkon koha dhe nevoja. Kemi parë sesi në këto troje ka vështirësi të takohen përfaqësues politik. Kryetar partish mes vete, qeveria me opozitën, opozita mes vete... nuk takohen e flasin shumë. Me gjasë nuk kanë pranuar as të takohen së bashku tek presidentja pas sulmit të 24 shtatorit. Çfarë është kjo mendësi kështu tek ne?”, ka shkruar Muharremi.