Moti sot në Kosovë: Me diell dhe vranësira të pakta gjatë ditës

Sot në Kosovë do të mbajë mot me diell dhe me vranësira të pakta gjatë ditës.

Sipas Meteo Kosova, “gradualisht do të kemi depërtimin e masave më të ftohta ajrore, më i ndjeshëm në Rrafshin e Kosovës”.

Njoftimi i plotë:

Për të hënën parashikohet të mbajë mot me diell dhe vranësira të pakta gjatë ditës. Gradualisht do të kemi depërtimin e masave më të ftohta ajrore, më i ndjeshëm në Rrafshin e Kosovës. Në zonat malore mund të ketë ndonjë reshje të izoluar, kryesisht në jug dhe perëndim të vendit.

Si pasojë e temperaturave të larta, këshillohet të keni kujdes nëse qëndroni jashtë për periudha të gjata kohore.

Era do fryjë nga drejtimi i veriut, e cila kohë pas kohe pritet të jetë e fuqishme, me shpejtësi prej 16-46 km/h.

Temperaturat do të shënojnë ngritje, me minimale që do të lëvizin prej 13 deri në 16°C, ndërsa ato maksimale prej 34 deri në 36°C.