Moti sot: Me diell dhe vranësira të shpërndara

Instituti Hidrometeorologjik i Kosovës ka njoftuar për motin që do të mbretërojë gjatë ditës se sotme.

Në njoftimin e këtij instituti është thënë se gjatë ditës se shtunë moti pritet të jetë me diell dhe vranësira të shpërndara.

Sipas njoftimit, temperaturat minimale do të lëvizin ndërmjet 1-3 gradë Celsius, ndërsa maksimalet ndërmjet 14-17 gradë Celsius.

“Do të fryjë erë kryesisht nga veriperendimi e lehtë deri mesatare”, është thënë në njoftim.