Ministri Krasniqi, deputeti Dugolli e Feraj ia bëjnë “llajk” kërkesës së Mihalit për hetim ndaj Nacionales
Përmes një shkrimi në Facebook, Dejona Mihali, koordinatore e Komiteteve në Lëvizjes Vetëvendosje, ka kërkuar që të hetohet gazeta Nacionale, pasi RTK-ja e publikoi një shkrim të revistes Sllobodna Bosna.
Në shkrimin e saj, Mihali ka kërkuar që të hetojë prokuroria për këto pretendime që shkruhen në artikullin pa autor të revistes javore boshnjake.
Këtë shkrim të Mihalit e kanë shpërndarë dhe pëlqyer disa njerëz të rëndësishëm politik. Ministri Elbert Krasniqi, deputeti Enver Dugolli, këshilltari i kryeministrit Albin Kurti, Hysamedin Feraj, dhe asamblistë të VV-së kanë pëlqyer shkrimin, duke u pajtuar me kërkesën e Mihalit për hetim ndaj Nacionales.
