Ministri gjerman: Hetimi për Banjskën është i një rëndësie vendimtare

Ministri gjerman i Mbrojtjes, Boris Pistorius, tha në Beograd se hetimi për ngjarjet në Banjskë, është i një rëndësise vendimtare.

Këto deklarata ministri gjerman i bëri në një konferencë për media me presidentin serb, Aleksandar Vuçiq.

“Është e rëndësishme dhe është e nevojshme për Serbinë që të vazhdojë të hetojë ngjarjet e 24 shtatorit, dhe kjo është e një rëndësie vendimtare”, tha Pistorius. Ministri i Mbrojtjes së Gjermanisë tha po ashtu se është e rëndësishme që Serbia të reduktojë praninë ushtarake në kufi me Kosovën, përcjell Evropa e Lirë.