“Me koordinim a pa koordinim”, Mirena thotë se statusi i Konjufcës është i ngjashëm me titujt e mediave serbe
Analisti Ilir Mirena ka komentuar statusin skandaloz të Rabit Konjucës, axhës së kryeparlamentarit Glauk Konjufca, i cili sulmin e Serbisë në Banjskë e ka krahasuar me veprimin kriminal të Faton Hajrizit në Serbi.
Në profilin e tij në “Facebook”, Mirena ka postuar disa tituj të mediave serbe që e pretendojnë atë që e ka shkruar Konjufca.
“Me koordinim a pa koordinim!”, ka shkruar Mirena.
Rabit Konjufca është edhe këshilltar politik i ministrit të Mbrojtjes, Ejup Maqedonci.
