Mblidhet Qeveria e Kosovës, merr dy vendime
Qeveria e Kosovës ka mbajtur një mbledhje elektronike gjatë ditës së premte.
Zyra e Kryeministrit përmes një komunikate për media, ka njoftuar se në mbledhje është miratuar lista e kandidatëve të propozuar për tre anëtarë të Bordit të Komisionit të Pavarur për Miniera dhe Minerale.
Veç kësaj, në mbledhje është miratuar kërkesa e Ministrisë së Mjedisit, Planifikimit Hapësinor dhe Infrastrukturës për rritjen e kufirit të shpenzimeve prej 10 milionë euro për rehabilitimin e linjës 10 hekurudhore Fushë-Kosovë – Han i Elezit.
Qeveria e Republikës së Kosovës ka zhvilluar sot mbledhjen elektronike, në të cilën ka:
– Miratuar listën e kandidatëve të propozuar për tre anëtarë të Bordit të Komisionit të Pavarur për Miniera dhe Minerale, si në vijim:
o Habib Basholli;
o Nasuf Mjekiqi;
o Bahri Karaça;
o Avdi Mjeku;
o Hasan Preteni;
o Kaltrinë Demiri.
– Miratuar kërkesën e Ministrisë së Mjedisit, Planifikimit Hapësinor dhe Infrastrukturës, për rritjen e kufirit të shpenzimeve në shumë prej 10 milionë euro për Projektin “Rehabilitimi i Linjës 10 Hekurudhore Fushë Kosovë – Han i Elezit”, nga fondet e huamarrjes klauzola e investimeve. Rritja e kufirit të shpenzimeve bëhet për mbulimin e obligimeve të projektit nga Kredia me Bankën Evropiane për Investime dhe nuk ndikon në tejkalimin e kufirit të deficitit sipas rregullës fiskale.
