Marrëveshja Kosovë-Serbi për dokumentet, Lajçak falendëron SHBA-në
I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka falenderuar SHBA-në, pas arritjes së marrëveshjes mes Kosovës e Serbisë, për heqjen e dokumenteve për hyrje-dalje.
Lajçak përmes një shkrimi në llogarinë e tij në Twitter, tha se diplomacia e SHBA-së u përfshi fuqishëm në mbështetjen e dialogut.
“Falënderoj DASH, Gabriel Escobar dhe diplomacinë e SHBA-së për përfshirjen e tyre të fuqishme në mbështetje të dialogut të ndërmjetësuar nga BE-ja”, shkroi Lajçak.
I thank DAS Escobar and the 🇺🇸 diplomacy for their strong engagement in support of the 🇪🇺-facilitated Dialogue. https://t.co/6UqwpMh1Zn
— Miroslav Lajčák (@MiroslavLajcak) August 27, 2022
Pak më herët, shefi i diplomacisë së BE-së, Josep Borrell konfirmoi se arritur marrëveshje në mes të Kosovës dhe Serbisë për çështjen e letërnjoftimeve.
Në llogarinë e tij në Twitter, Borrell tha se Serbia ka rënë dakord të shfuqizojë dokumentet e hyrje-daljes.
“Kemi një marrëveshje. Sipas dialogut të lehtësuar nga BE-ja, Serbia ra dakord të shfuqizojë dokumentet hyrëse/dalëse për mbajtësit e ID-së së Kosovës dhe Kosova u pajtua që të mos i prezantojë ato për mbajtësit serbë të ID-së”, ka shkruar ai.
We have a deal.
— Josep Borrell Fontelles (@JosepBorrellF) August 27, 2022
Under the EU-facilitated Dialogue, Serbia agreed to abolish entry/exit documents for Kosovo ID holders and Kosovo agreed to not introduce them for Serbian ID holders.
(1/2)
Sipas tij, BE-ja ka marrë garancinë nga kryeministri Kurti.
“Serbët e Kosovës dhe gjithë qytetarët e tjerë do të mund të udhëtojnë lirshëm mes Kosovës dhe Serbisë duke përdorur letërnjoftimet e tyre. BE-ja sapo morri garanci nga Kurti për këtë. Kjo është një zgjidhje evropiane”, ka shkruar ai.
