Lushi: Mirlind Daku duhet të pezullohet, nëse vërtetohet se ka fyer serbët e maqedonët
Uk Lushi, aktivist dhe ish-ushtar i UÇK-së, ka reaguar në lidhje me videon e Mirlind Dakut, futbollist i Shqipërisë, ku shihet teksa nxit tifozët për sharje ndaj maqedonëve.
Lushi ka vlerësuar se FFSh-ja duhet të hetojë incidentin, duke kërkuar që Daku të suspendohet nëse vërtetohet se ka sharë maqedonët e serbët.
"Federata Shqiptare e Futbollit duhet ta hetojë incidentin me lojtarin Daku dhe nëse dëshmohet se ai ka brohoritur fyerje kundër popujve maqedonas e serb, duke i nxitur tifozët që ta bëjnë të njëjtën gjë, Daku duhet të pezullohet. Lojtarët duhet të jenë shembuj të mirë" - ka shkruar ai.
The Albanian Football Federation must investigate the incident with the player Daku and if it’s proven that he chanted insults against Macedonian and Serbian people inciting fans to do the same, Daku should be suspended. Players must be good examples.
— Uk Lushi (@UkLushi) June 20, 2024
