Limaj e kritikon Kurtin: Që tri vjet, veç me dialog merret, është prioriteti i vetëm
Fatmir Limaj, kryetar i Nismës Socialdemokrate, ka dhënë një intervistë në Tëvë 1, ku ka folur për shumë tema, përfshirë dialogun mes Kosovës dhe Serbisë, që lehtësohet nga Bashkimi Evropian.
Sipas Limajt, Qeveria e Kosovës ka gabuar kur e ka lëshuar pozicionin se nuk ka Asociacion pa njojhe.
“Lajçak si ndërmjetësues atëherë, në tavolinën e bisedimeve, unë kur jam kanë të paktën, e kemi pas këtë, që nuk do të pajtohemi për asgjë, nëse nuk jemi pajtu për gjithçka. Prandaj Asociacioni nuk është fut në rendin e ditës, sepse ende nuk ka ardhë pajtimi për njohjen. Dhe tri vjetët e fundit, Kosova e ka lëshu këtë pocizion, dhe ky është gabim i madh, fatal…sepse fatkeqësisht këta djemtë menduan se duhet me ja nis çdo sen prej zeros.” – deklaroi ai në Tëvë 1.
Tutje, Limaj e ka kritikuar kryeministrin Albin Kurti, duke thënë se Kosova që tri vite merret vetëm me dialog.
“Qe tri vjet Kosova veç me dialog merret. Jo vetëm që është kthy prioritet i parë, por i vetmi.” – shtoi Limaj.
