Lëvizja Vetëvendosje publikon të gjithë të zgjedhurit e qendrave

Subjekti më i madh në Kosovë, Lëvizja Vetëvendosje, ka publikuar në Facebook të zgjedhurit si kryetar të qendrave të dalura nga zgjedhjet e brendshme të këtij subjekti nga 26 qendrat që iu nënshtruan këtij procesi.

“Dje përmes parimit një anëtar-një votë anëtarët e Lëvizjes VETËVENDOSJE! zgjodhën kryetarin e LVV-së, GVV-së dhe RVV-së, në nivel të tretë, po ashtu në 26 qendra ata votuan edhe për organet e njëjta për nivelin e dytë organizativ, atë të qendrave. Strukturat e reja të dala nga këto zgjedhje përfaqësojnë gjerësinë e Lëvizjes tonë, drejtimin e saj progresist dhe fuqinë organizative si subjekti më i madh politik në vend”, thuhet në njoftimin e VV-së.