Lëndohen 13 persona nga shpërthimi i një bombole gazi në një shtëpi në Mitrovicë
Në një shtëpi në fshatin Kçiq në Mitrovicë, ka ndodhur një shpërthim, që sipas dyshimeve të para thuhet se është një bombole gazi.
Zëdhënësi i Policisë së Kosovës, nga drejtoria rajonale e Mitrovicës, Avni Zahiti ka thënë për Gazetën Nacionale se për pasojë janë lënduar 13 persona, dhe se të njëjtit janë dërguar për trajtim mjekësor.
“Rreth orës 16:30, policia ka pranuar informatë se si pasoj e një shpërthimi në një shtëpi në fshatin Kçiq të Mitrovicës, 13 persona kanë pësuar lëndime, të lënduarit janë dërguar për tretman mjekësor në Spitalin Rajonal të Mitrovicës”.
“Bazuar në informatat e para dyshohet se shpërthimi ka ndodhur nga një bombolë gasi.” - ka thënë Zahiti.
